X
تبلیغات
زینبیه - ای شه مظلوم حسین وای وای بی کس مظلوم حسین وای وای
درگاه اشعار و ادبیات رثائی ترکی( نوحه ترکی)- تورکی نوحه لر

موضوع: قتلگاه

شاعر: لا ادری

ای شه مظلوم حسین وای وای                           بی کس مظلوم حسین وای وای

گیتدی بو صحراده جلالون سنون

غارت اولوب مال و منالون سنون

قول قولا باغلاندی عیالون سنون

ای شه مظلوم حسین وای وای                           بی کس مظلوم حسین وای وای

ظلمله بو طایفه اهرمن

قویمادیلار جسموه اولسون کفن

قالدی قوم اوستنده بو عریان بدن

ای شه مظلوم حسین وای وای                           بی کس مظلوم حسین وای وای

غارته ال تاپدی بو قوم جهول

چوللره یوزقویدی بنات رسول

یوخدور علاجیم ایدرم من قبول

ای شه مظلوم حسین وای وای                           بی کس مظلوم حسین وای وای

کرب و بلا ملکی سنه عرشیدی

ایستی قوم اوستی قوری یر فرشیدی

زینبون اولسون بو نجه نعشیدی

ای شه مظلوم حسین وای وای                           بی کس مظلوم حسین وای وای

قانلی باشون نیزده شامه گیدر

آیه قرآنی تلاوت ایدر

شمر عیالون ایلیوب در بدر

ای شه مظلوم حسین وای وای                           بی کس مظلوم حسین وای وای

شمر ستم پیشه کسوبدور سرون

آتلار ایاقینده قالوب پیکرون

ای آنام اوغلی هانی بس اللرون

ای شه مظلوم حسین وای وای                           بی کس مظلوم حسین وای وای

قویدولا یالقیز سنی قوم ظلم

ظلمیله القانه بویاندی علم

قوللاری عباسوین اولدی قلم

ای شه مظلوم حسین وای وای                           بی کس مظلوم حسین وای وای

باشوی خولی آپاروب میهمان

بولمورم هاردا ویره جاقدور مکان

اولمیوب عالمده بیله میزبان

ای شه مظلوم حسین وای وای                           بی کس مظلوم حسین وای وای

یوخلامادی شانوی قوم لئام

هانسی قوناق بیر گیجه نی باتمام

صبحه کیمی دوتدی کول اوسته مقام

ای شه مظلوم حسین وای وای                           بی کس مظلوم حسین وای وای

نوشته شده توسط محمدعلی پورشهلا در ساعت 11:35 | لینک  |